Krem reyndist algjör frelsun og léttir fyrir Friðdísi

Langþráður sigur hafðist eftir ríflega tveggja ára stöðuga baráttu við barnaexem um allan líkama Friðdísar. Bros og hlátur í stað kláða og kvala. Nýtt líf Friðdísar og foreldra hennar, Signýjar Gestsdóttur og Ragnars Þórs Risten, hófst þegar þau kynntust Zemadol kreminu frá Cibdol.

Mæðgurnar Signý og Friðdís. Dóttirin hefur glímt við heiftarlegt exem og hefur varla átt kláðalausan dag. Hún er öll önnur eftir að móðir hennar kynntist Zemadol kreminu.

Friðdís Eir Risten Ragnarsdóttir er tveggja og hálfs árs. Strax eftir fæðingu gerðu fyrstu einkenni barnaexems vart við sig og sjúkdómurinn vatt hratt upp á sig. Friðdís hefur æ síðan glímt við heiftarlegt exem um allan líkamann og átti varla kláðalausan dag nema með örfáum undantekningum á stangli. Nú eru exemóþægindin nær algjörlega að baki, þökk sé kremi frá svissneska framleiðandanum Cibdol. „Við foreldrarnir féllumst á að segja þessa sögu Friðdísar til þess að hjálpa öðrum börnum og foreldrum þeirra sem heyja sömu baráttu og við gerðum alla daga,“ segir Signý Gestsdóttir móðir hennar. Auðvitað er vandamálið ekki farið en einkennin eru að öllu jöfnu horfin og um leið þessi mikla vanlíðan sem fylgir slæmu exemi ungra barna.“

Fyrstu batamerkin strax

En hvernig kom það til að foreldrar Friðdísar fréttu af þessu kremi og mögulegum áhrifum þess á exem? „Valgerður, móðursystir Friðdísar, vinnur við umönnun langveikrar stúlku, Sunnu Valdísar Sigurðardóttur, sem þjáist af afar sjaldgæfum taugasjúkdómi, sem meðal annars veldur tíðum og langvarandi lömunar- og krampaköstum, auk flogakasta. Foreldrar hennar, Sigurður Hólmar Jóhannesson og Ragnheiður Erla Hjaltadóttir, hafa í mörg ár haldið þeim einkennum niðri, með því að gefa Sunnu náttúruleg fæðubótarefni. Þau flytja inn alls kyns húðvörur, verkjakrem og fleira og sendu okkur Zemadol exemkremið til að prófa.

Sunna Valdís ásamt föður sínum, Sigurði Hólmari Jóhannessyni, og Magnúsi Páli Gunnarssyni. Magnús Páll er framkvæmdastjóri Andrár, sem dreift hefur náttúrulegum heilsuvörum til apóteka um árabil.

Og það var eins og við manninn mælt – við sáum fyrstu batamerkin á örskömmum tíma okkur öllum bæði til undrunar og mikils léttis.“ 100% náttúruleg vara Signý segist geta nánast endalaust talið upp allar þær ólíku leiðir sem reynt var að fara til þess að draga úr einkennum exemsins og illbærilegum óþægindum sem fylgja því. Á litlu stúlkuna séu lagðar ýmsar heilsutengdar byrðar og slæmt barnaexem var ekki til þess að bæta úr skák. „Friðdís var oft friðlaus og klóraði sig til blóðs nánast á hverjum degi. Við reyndum allar mögulegar og ómögulegar leiðir til þess að hjálpa henni og auðvitað var allt hugsanlegt fæðuóþol og fleira skoðað í bak og fyrir af læknum hennar. Sterakremin voru eiginlega það eina sem virkaði, en þau mátti ekki nota nema í um eina viku af hverjum átta og auðvitað er svakalegt að þurfa að nota svoleiðis efni á ung börn. Það var þess vegna alveg yndislegt að sjá henni verða svona miklu rórra um leið og við byrjuðum að nota  kremið sem til viðbótar er 100% náttúrulegt. Friðdís má því sleikja það af sér og borða ef henni sýnist svo.“

Viðurkennd náttúruleg vara

Zemadol kremið frá Cibdol

Signý þreytist ekki á að benda fólki í gegnum Facebook á Zemadol kremið. „Það eru nokkrir hópar á Facebook utan um til dæmis fæðuóþol, exem og fleiri sjúkdóma. Ég reyni að taka sem víðast þátt og miðla af minni þekkingu og reynslu, enda veit ég vel hvernig bæði börnum og foreldrum þeirra líður með vandamál af þessum toga. Í dag er staðan einfaldlega sú að ef við sjáum lítinn exemblett gera vart við sig berum við kremið á hann og nánast horfum á blettinn hverfa, löngu áður en hann fer að valda óþægindum. Zemadol kremið er skráð og viðurkennt sem lækningavara og sama gildir um krem sem Cibdol framleiðir, annars vegar fyrir psoriasis og hins vegar fyrir unglingabólur. „Ég vona bara að þessi krem virki öll álíka vel og exemkremið hefur gert á Friðdísi,“ segir Signý að lokum. „Þessi skjóta og 100% náttúrulega virkni er með ólíkindum og vonandi eiga þessar góðu vörur eftir að fást í öllum apótekum fljótlega.“

Dreifing á Íslandi

Heildverslunin Andrá hefur dreift náttúrulegum heilsuvörum til apóteka um árabil er dreifingaraðili þessara vara á Íslandi. Heimasíða þeirra er www.andra.is